အားလုံး မင်္ဂလာပါ။

ကျွန်တော် ဘဘော့ဂ်မရေးဖြစ်တာ အတော့်ကို ကြာခဲ့ပြီဗျာ။
တိတိကျကျ ပြောရရင် 2014နောက်ပိုင်းကတည်းက မရေးဖြစ်တော့တာ အခုထိပါပဲ။
ဒါပေမယ့် နည်းပညာနဲ့ ပတ်သက်တဲ့ ဗဟုသုတတွေ ဆက်လက်မျှဝေပေးချင်တာကြောင့် ကျွန်တော့် ဒီဘလော့ဂ်လေးကို ပြန်လည်အသက်သွင်းလိုက်ပါတယ်ခင်ဗျ။

ဇော်ဂျီခေတ်ကနေ ဦးနီကုဒ် (စတာပါ) ယူနီကုဒ်ခေတ်ကို ရောက်လာပြီဆိုတော့ ရှေ့လျှောက် ကျွန်တော် ယူနီကုဒ်ဖောင့်နဲ့သာ ဆက်လက်ရေးသားသွားမည်ဖြစ်ကြောင်း ကြိုအသိပေးထားပါရစေ။

ကဲ... စလိုက်ရအောင်။
ဒီနေ့ ကျွန်တော်မျှဝေပေးမယ့် အကြောင်းအရာလေးကတော့ လက်ရှိ ကျွန်တော်တို့ မြန်မာနိုင်ငံမှာ ထုတ်လွှင့်ပေးလျက်ရှိတဲ့ Free to Air ရုပ်သံလိုင်းများကို မိမိတို့ ကွန်ပျူတာပေါ်မှာ ကြည့်လို့ရအောင် ဘယ်လို လုပ်ရမလဲ ဆိုတာ မျှဝေပေးသွားမှာ ဖြစ်ပါတယ်။

တကယ်တော့ ဒီနည်းပညာကို IPTV (Internet Protocol television) စနစ်လို့ ခေါ်ပါတယ်။
 ဒီစနစ်မှာ ဘာတွေ ပါဝင်သလဲ။ ဘယ်လို လုပ်ဆောင်သလဲ။ ဘာကြောင့် TV လိုင်းတွေကို အင်တာနက်ကနေ တဆင့် ဖုန်းတွေပေါ်မှာ ကွန်ပျူတာတွေပေါ်မှာ ကြည့်လို့ရတာလဲ စတဲ့ အဲဒီအကြောင်းအရာတွေကို စိတ်ဝင်စားရင် ကျွန်တော် ပိုစ့်တစ်ခု သီးသန့်တင်ပေးပါမယ်။ အခုတော့ ကျွန်တော် လုပ်ပေးထားတဲ့ဟာလေးကို ခေါ်ရတာ လွယ်ကူအောင်လို့  MMIPTV လို့ ဒီပိုစ့်မှာ သုံးနှုန်းသွားပါမယ်။

လက်ရှိ ကျွန်တော်လုပ်ပေးထားတဲ့ MMIPTV ကနေ ကြည့်လို့ရမယ့် ရုပ်သံလိုင်းတွေကတော့

MRTV HD
MRTV Hluttaw
MNTV
MRTV-4 HD
Channel 7 HD
Channel 9
Channel K
Mizzima TV
MWD
MWD Variety
Mahar TV
MVTV
စတဲ့ ရုပ်သံလိုင်း (၁၂)လိုင်း ပါဝင်ပါတယ်။

လောလောဆယ်
လိုအပ်တဲ့ အချက်အလက်လေးတွေ အရင်ဆုံး စုလိုက်ရအောင်။

MMIPTV ကို ကြည့်မယ်ဆိုရင်

နံပါတ် (၁)
အင်တာနက်လိုင်း လိုအပ်ပါမယ်။
Wifi ဖြစ်စေ၊ ဖုန်းကနေ Hotspot လွှင့်တာမျိုးပဲ ဖြစ်စေ ဘယ်လိုနည်းနဲ့ပဲဖြစ်ဖြစ် အင်တာနက်လိုင်း လိုအပ်ပါတယ်။ အပြင်မှာ ထုတ်လွှင့်နေတဲ့အတိုင်း ကြည့်ရဖို့အတွက် အင်တာနက်ကနေတဆင့် သက်ဆိုင်ရာ ဆာဗာကနေ ရုပ်သံကို လှမ်းယူတာမို့ပါ။

နောက်ထပ်က
IPTV file တွေကို Support လုပ်တဲ့ Media Player Software လိုအပ်ပါတယ်။
Windows အတွက် Media Player ပေါင်း များစွာရှိပါတယ်။ အဲဒီထဲကမှ IPTV အတွက် ကျွန်တော် စမ်းရသလောက် အဆင်ပြေဆုံးက  VLC media player ပါ။
သူ့ icon ပုံလေးကတော့ ဒါလေးပါ။

ဖွင့်လိုက်ရင် အဲလိုလေး ပေါ်ပါလိမ့်မယ်။ မိမိ ကွန်ပျူတာထဲမှာ ရှိမရှိ အရင်ရှာကြည့်ပါ။
မရှိရင်တော့ အောက်မှာ ပေးထားတဲ့ လင့်ကနေ Download လုပ်ပြီး Install လုပ်လိုက်ပါ။

VLC 3.0.10 for Windows 64 bits

https://mirror.downloadvn.com/videolan/vlc/3.0.10/win64/vlc-3.0.10-win64.exe

VLC 3.0.10 for Windows 32 bits

https://mirror.downloadvn.com/videolan/vlc/3.0.10/win32/vlc-3.0.10-win32.exe 

 

အိုကေ...

အပေါ်က ကျွန်တော်ပြောတဲ့ အချက်တွေ စုံပြီဆိုရင် အောက်မှာ ပေးထားတဲ့ ဖိုင်လေးကို Download လုပ်လိုက်ပါ။

https://waiyanmdy.000webhostapp.com/wp-content/mmtv.m3u

အပေါ်က လင့်လေးကို နှိပ်လိုက်ရင် ဒီလိုလေး ပေါ်လာပါလိမ့်မယ်။

Save File ကို နှိပ်ပြီး OK ကို နှိပ်ပါ။

 Download Folder ထဲမှာ mmtv.m3u ဆိုပြီး ရှိနေပါမယ်။

အဲဒီဖိုင်လေးကို Right Click နှိပ်ပြီး Play with VLC media player နဲ့ ဖွင့်လိုက်ရင် ရုပ်သံလိုင်းများ ပွင့်လာပြီး ကြည့်ရှုလို့ရပါပြီ။

အခြားလိုင်းတွေ ပြောင်းဖို့အတွက်က Next တို့  Previous တို့ကနေလည်း ပြောင်းလို့ရသလို
 မြင်ကွင်းပေါ်မှာ Right Click နှိပ်ပြီး  Playlist ကနေ အခြားလိုင်းများကို ပြောင်းကြည့်လို့ရပါတယ်။

လိုင်းတွေ ရှာရလွယ်အောင် လိုင်းနာမည်တွေနဲ့ စီပေးထားပါတယ်။

အဆိုပါ ရုပ်သံလိုင်းများဟာ သူတို့ထုတ်လွှင့်ရာ Sever အသီးသီးကနေ ယူထားတာ ဖြစ်တာကြောင့် အချိန်မရွေး လိုင်းပျောက်ခြင်း သို့မဟုတ် ကြည့်ရှု၍မရခြင်းများ ဖြစ်တတ်တာကို ကြို အသိပေးထားပါရစေ။
အကယ်၍ ဖော်ပြပါအတိုင်း ဖြစ်လာပါက ကျွန်တော် ပြန်လည်ရှာဖွေပြီး Update File အနေနဲ့ တင်ပေးသွားပါမယ်။
ရည်ရွယ်တာကတော့ ပြည်ပရောက်မြန်မာများ သို့မဟုတ် ခရီးသွားလာရင်းနဲ့ ရုပ်သံလိုင်းများကို ကြည့်ချင်သူများ အဆင်ပြေစေဖို့ ရည်ရွယ်ပါတယ်။
အဆုံးထိဖတ်ပေးတဲ့အတွက်လည်း ကျေးဇူးတင်ပါတယ်.....

လင်းယံခ (နည်းပညာ)

အချစ်ဆိုတာ
ငါမှာသောက်တဲ့ ကော်ဖီတစ်ခွက်ကျမှ
သကြားမပါသလို

အချစ်ဆိုတာ
ငါမှာသောက်တဲ့ ဘီယာခွက်ကျမှ
အမြှုပ်များသလို

အချစ်ဆိုတာ
ငါမှာစားတဲ့ ခေါက်ဆွဲတစ်ပွဲကျမှ
ဆားပိုထည့်မိသလို

အချစ်ဆိုတာ
ငါချိုးတဲ့ ရေချိုးခန်းကျမှ
ရေအေးပိုက်ပျက်သလို

အချစ်ဆိုတာ
ငါချစ်နေတော့လည်း ခံနေဦးပေါ့။

လင်းယံခ

ငါဟာ ငါ့ကိုယ့်ငါ သနားလွန်းလို့
ပြန်မရလိုက်တဲ့ အားနာခြင်းတွေ
ပုံမှန်တစ်ခွက်ထဲ ပြုတ်ကျခါမှ
အလူးလူးအလဲလဲ ဖုန်ခါထရပေါ့။
ကိုယ့်ကိုယ်ကို ပြန်မမြင်နိုင်တဲ့
မှန်တစ်ချပ်အတွက်
မျက်နှာသစ်ပေးကြတဲ့လူတွေ
တန်ပြန်ခြင်းတရား နာကြားရတဲ့အခါမှ
အဘိဓမ္မာကို ပြန်လှန်မနေကြပါနဲ့။
ညစာလား? မနက်စာလား?
မကွဲပြားတဲ့ သန်းခေါင်ယံတွေအတွက်
မီးတိုင်အောက်က ပျိုမေ နုပျိုလွန်းနေတယ်။
ရယ်နေကြတဲ့ သွားတွေကို
ညီနေတဲ့ နှုတ်ခမ်းပါးတစ်ချို့က မနာလိုဖြစ်ကြ။
လျှောက်လှမ်းဆဲ ခန္ဓာနဲ့
ရပ်နေတဲ့ ခြေထောက်တွေနဲ့ အငြင်းအခုံဖြစ်။
လက်ဖက်ရည်ခွက်ထဲ မှောက်ကျသွားတဲ့
စားပွဲထိုးအဖြစ်မှာ တရားခံဟာ အချစ်ပဲ။

လင်းယံခ