အာရှကို အမေရိက လိုက်မမီသည့်နေရာ



Photo
နာမည်ကြီး ကာတွန်းဇာတ်ကောင် ကြောင်ဂါဖီး (Garfield) အီတလီအစားအစာ ပတ်စတာကို အမြဲတမ်း ကြောင်ပုစွန်စား ကြွပ်ကြွပ်ဝါးဖို့ စိတ်ကူးနေသည့်နှယ် မူရင်း ဆောင်းပါးရှင်ကလည်း စာသား text message ပို့ရတာ ကြိုက်လေသည်။  ဗုဒ္ဓဟူးနေ့ (၂၀၁၃ ခုနှစ် မတ်လ ၆ ရက်) က စာသားစာတိုကလေးတွေ ပေးပို့တာ အနည်းဆုံး အကြိမ် ၁၀၀ ရှိသည်ဆို၏။ ဒါပေသည့် ထိုသို့ စာစကားလုံးတွေချည်း ပို့ရတာ သူက အားမရသေးပေ။ သူက ဂျပန်ဘာသာ စကားဖြင့် အီမိုဂျိ (emoji) ခေါ် အရောင်အသွေး စုံလင် ဝေဆာသည့် ချစ်စရာ့ တိရစ္ဆာန်ကလေးတွေ၊ အစားအစာတွေ၊ စကားလုံးများနှင့် ပြောပြ၍ မဖြစ်နိုင်သော အကြောင်းအရာ စိတ်ကူးစိတ်သန်းများကို ဖော်ပြပေးမည့် ပြုံးစစ မျက်နှာ အမူအရာစုံ ရုပ်ပုံကလေးတွေ သုံးစွဲရတာ ပို၍ နှစ်ခြိုက်သူပါတည်း။ မကြာမီက သူ၏ မိတ်ဆွေတစ်ယောက်က သူမ နေမကောင်းကြောင်း ပြောပြသည်။
ထိုအခါ ဆောင်းပါးရှင်က အငွေ့တထောင်းထောင်း ထနေသည့် စွပ်ပြုတ်ပန်းကန် ကာတွန်းပုံကလေးများနှင့် ကြွက်သားတွေ အပြိုင်းပြိုင်းနှင့် ဗလထုတ်ပြနေသည့် ကာတွန်းပုံကို ပို့ပေးလိုက်သည်။ ဒါက သူ၏ အမြန်ဆုံး ကျန်းမာစေရန် တောင်းဆုခြွေသည့် စတိုင်ပင်။ ပြောချင်တာကလေးကို ပို၍ ထိရောက်အောင် စာတိုတွေထဲမှာ ရုပ်ပုံကလေးတွေ ထည့်သုံးရတာ ဆောင်းပါးရှင်က စိတ်ကြိုက်တွေ့နေသည်။ သူသုံးစွဲသည့် ရုပ်ပုံများထဲ၌ GIF (အင်တာနက်တွင် အသုံးများသည့် ကာတွန်းရုပ်ရှင် ဇာတ်လမ်းတို) ဖိုင်များလည်း ပါဝင်သည်။ သူ့သူငယ်ချင်း တစ်ယောက်က iPhone ဝယ်ယူလိုက်သည်။ ထိုအခါ သူ iPhone ဝယ်လိုက်တာကို ဆောင်းပါးရှင်က မည်မျှ ပီတိဖြစ်ရကြောင်း ပြောပြဖို့ တေးသံရှင် ရီဟားနား ခုန်ပေါက်မြူးတူးနေသည့် GIF ဖိုင်တစ်ခု ပို့ပေးလိုက်သည်။

စာသာပေးပို့ကာ ပြောဆိုဆက်သွယ်ကြရာ၌ အီမိုဂျိများ၊ အီမိုတီကွန် emoticons (စိတ်ခံစားမှု အမှတ်အသားများ) နှင့် GIF များ သုံးစွဲခြင်းဖြင့် စိတ်ရင်းနှင့် ပြောတာလား၊ အပျော်အပျက် ပြောတာလား၊ စိတ်ပုတ်ပြီး ပြောတာလား ဆိုတာ ခွဲခွဲခြားခြား ဖြစ်သွားသည်။ သင်က ညစာစားဖို့ ချိန်းဆိုထားတာကို မိနစ် ၂၀ နောက်ကျပြီး ရောက်သွားခဲ့လျှင် ဘာကြောင့် နောက်ကျရကြောင်း ပေများရှည်လျားစွာ ရှင်းလင်းနေရတာထက် အီလည်လည် မချိုမချဉ်မျက်နှာပေးနှင့် ကြောင်ကလေးတစ်ကောင်၏ ရုပ်ပုံကလေးကို ပြလိုက်တာက တစ်ဖက်သားအတွက် စိတ်ပြေစရာ ပိုမကောင်းပေဘူးလား။ ထို့အတူ ချစ်သူကို သူမ ချစ်သည့်အချစ်ထက် မလျော့ကြောင်း ပြသဖို့ ပန်ဒါကလေးနှစ်ကောင် တစ်ကောင် စိစိပါအောင်ဖက်ထားသည့် GIF ဖိုင်တစ်ခု ပို့လိုက်၍ ရသည်ပဲ။ သို့သော် မိုဘိုင်းဖုန်းနှင့် ပတ်သက်နေသည့် ဤထူးထူးခြားခြား စိတ်ဝင်စားစရာ ကိစ္စများက အမေရိကန်နိုင်ငံတွင် သိပ်အလုပ်ဖြစ်လှသည်ဟု မဆိုနိုင်သေး။ Path အမည်ရှိ ပုဂ္ဂလိကဆိုရှယ်ကွန်ရက် ဝန်ဆောင်မှု၊ Lango နှင့် MessageMe အမည်ရှိ စာတိုပို့ ဝန်ဆောင်မှု လုပ်ငန်းများ အပါအဝင် အမေရိကန် ကုမ္ပဏီ လက်သစ်ကလေးများကသာ ထိုလုပ်ငန်းကို လုပ်ကိုင်နေကြသေးသည်။ Path နှင့် MessageMe တို့က စာတိုပို့သည့် အခါ အဆင်သင့် ထည့်ပေး၍ရသည့် 'စတစ်ကာ' ခေါ် အီမိုဂျိနှင့် အီမိုတီကွန် ဗားရှင်းသစ်များကို မိတ်ဆက်ထားသည်။ Lango ကလည်း သူ၏ စတစ်ကာများကို မကြာမီ ထုတ်ဝေဖို့ အသင့်ဖြစ်နေသည်။ သာမန်အဖြစ် ပြုလုပ်ထားသည့် အီမိုဂျိများထက် စာလျှင် စတစ်ကာများက အနုစိတ်ဆန်ပြီး လက်ရာမြောက်သည်။ ဥပမာအားဖြင့် Path ၏ စတစ်ကာတစ်ခုတွင် စိတ်လက်မကြည်သာမှုကို ဖော်ပြဖို့ မှိုင်းမှောင်မှောင် မိုးသားများနှင့် လျှပ်စီးမိုးကြိုးများ အကြားမှ မျက်မှောင်ကြုတ်ထားသည့် မျက်နှာတစ်ခုကို သုံးစွဲထားသည်။

"လူတွေက တစ်ယောက်နဲ့တစ်ယောက် ဆက်သွယ်ပြောဆိုကြရင်း LOL- Laugh-out-Loud (အော်တိုရယ်ပစ်လိုက်) ဆိုတဲ့ စကားလုံးတွေ ရိုက်ထည့်တာ၊ ဒါမှမဟုတ် Youtube လင့်ခ်တစ်ခုကို ထည့်ပေးလိုက်တာတွေ လုပ်နေကြပါပြီ" MessageMe တည်ထောင်သူ တစ်ဦးက ပြောသည်။ "ဒါဟာ တကယ်တော့ ဆက်သွယ်ရေးမှာ ပိုပြီး မြန်မြန်ဆန်ဆန်ရှိအောင် ပိုပြီး ဟတ်ထိသွားအောင် လုပ်တဲ့နည်းပါပဲ။ ဒါဆိုရင် ဒီလိုဆက်သွယ်လို့ ရတဲ့နည်းလမ်းတွေ တစ်ပုံတစ်ပင် ရှိနေကြတယ်ဆိုတာလည်း သိလောက်ပါပြီ" ဟု သူက ပြောသည်။ မည်သို့ဆိုစေ ဒီအခွင့်အလမ်းက အကွက်မြင်သူလုပ်ငန်းရှင်များနှင့် ရင်းနှီးမြှပ်နှံသူများ၏ သည်းခြေကြိုက် ဖြစ်နေပါသည်။ "စာတိုပို့ဓလေ့က စီးပွားရေးအရ တွက်ခြေကိုက်တဲ့ လုပ်ငန်းတစ်ခု ဖြစ်လာနိုင်ပါတယ်" ဟု Kleiner Perkins Caufield Byers ၏ လုပ်ငန်းပါတရာတစ်ဦးက ပြောသည်။ Kleiner Perkins Caufield Byers သည် Path ကုမ္ပဏီနှင့် အခြားစာတိုပို့ အက်ပလီကေးရှင်းများတွင် ရင်းနှီးမြှပ်နှံထားသည့် ကုမ္ပဏီဖြစ်သည်။

ထိုစတစ်ကာ အက်ပလီကေးရှင်းများက အခမဲ့ဒေါင်းလုပ် လုပ်ယူနိုင်သည်။ သို့သော် လက်ရေးကာတွန်းပုံလို အဆင့်မြင့် စတစ်ကာများ အတွက်ကျတော့ အခကြေးငွေ အနည်းငယ်ပေးရန် လိုအပ်သည်။ လက်ရေး ကာတွန်းပုံဆိုသည်မှာ "ထ" ကနေသည့် ပီဇာ မုန့်ပျားသလက်စိတ်ကလေးလို၊ နာမည်ကြီး ကာတွန်းဇာတ်လမ်းများ ကာတွန်းဇာတ်ကောင်များကို ဆိုလိုပါသည်။ Lango က ကာတွန်း ရုပ်ပြောင်များဖြင့် စပယ်ရှယ် စတစ်ကာများကို စီစဉ်ထားသည်။ ဤစတစ်ကာ အက်ပလီကေးရှင်းများကလည်း အီမိုတီကွန်များနှင့် အီမိုဂျီများကဲ့သို့ပင် ကမ္ဘာအနှံ့တွင် ခေတ်စားလျက်ရှိသည်။ Line ဟုခေါ်သော အက်ပလီကေးရှင်းသည် စတစ်ကာများ၊ ရုပ်ပုံများနှင့် စာတိုများ တစ်ယောက်နှင့် တစ်ယောက်ပို့၍ရအောင် ဆောင်ကြဉ်းပေးနေသည်။ ထိုသို့ ဆောင်ရွက်ရင်း Line က တောင်ကိုရီးယားနှင့် ဂျပန်တို့တွင် စီးပွားရေးအရ အောင်မြင်သည့် လုပ်ငန်းတစ်ခု ဖြစ်လာသည်။ Line သည် တောင်ကိုရီးယား ကုမ္ပဏီတစ်ခုဖြစ်သည့် Naver က တည်ထောင်ထားသော လုပ်ငန်းပင်။ Line တွင် သုံးစွဲသူ ဖောက်သည် သန်း ၁၀၀ ကျော် ရှိနေပြီဟု ဆိုသည်။ ယခု Naver ကုမ္ပဏီက ဆန်ဖရန်စစ္စကိုတွင် ရုံးခန်းဖွင့်လိုက်ပြီး၊ အမေရိကန်နိုင်ငံမှ ဖောက်သည်များကို ဆွဲဆောင်ရန် ကြိုးစားနေသည်။ တစ်နည်းအားဖြင့် Line ၏ အောင်မြင်မှုက Lango နှင့် Message Me တို့ကို အမေရိကန်နိုင်ငံတွင် စတစ်ကာအမျိုးအစား စာတိုပို့စနစ်များ တွင်ကျယ်စွာ လုပ်ကိုင်ဖြစ်အောင် ဆောင်ရွက်လိုက်တာပင်။ အထူးသဖြင့် စတစ်ကာ အက်ပလီကေးရှင်းများ ကြိုက်နှစ်သက်သူတွေက ကိုယ်ပို့သည့် စာတိုကလေးကို သူများထက် ထူးခြားမှ ကြိုက်သူတွေ ဖြစ်သည်ဆိုတာ ရှင်းပြဖို့ လိုမည်မထင်ပေ။ မူရင်းဆောင်းပါးရှင် အလိုအရ အချို့ စတစ်ကာတွေက ယခင်အီမိုဂျိတွေလို ရိုးအီနေသည့် စတိုင်မဟုတ်ဘဲ၊ ခေတ်မီ ဆန်းပြားသည်ဟု ဆိုသည်။ သူပြောချင်တာက သာမန်အားဖြင့် မစဉ်းစားမိလောက်သည့် အိုင်ဒီယာများက ထိုစတစ်ကာများတွင် ပါဝင်နေခြင်းပင်။


အာရှတိုက်မှ ဆဲလ်ဖုန်းသုံးစွဲသူများက စာသားပေးပို့မှုနှင့် အဆင်ပြေနေကြသည်။ ပြောချင်တာက အာရှတိုက်မှ ဆဲလ်ဖုန်းသုံးစွဲသူများက ဒီစာသားပို့ ဇာတ်ကောင်လေးတွေ သုံးပြီး သူတို့၏ စာတိုများကို ခံစား၍ရအောင် ကြံရည်ဖန်ရည် ရှိနေနိုင်ကြတာကိုပါ။ သို့သော် အမေရိကန်နိုင်ငံသား အတော်များများက ဒီလိုမဟုတ်ပေ။ လွန်ခဲ့သည့် နှစ်အနည်းငယ်က အီမိုဂျိကီးဘုတ် ပါဝင်သည့် iPhone ဆော့ဖ်ဝဲအပ်ဒိတ်တစ်ခု ထွက်လာသည့် အခါကျမှ အီမိုဂျိအကြောင်းကို သိရှိလာကြသည်။ ဒီဂျစ်တယ်မီဒီယာနှင့် ယဉ်ကျေးမှု ဓလေ့များအကြောင်း အကျွမ်းတဝင် ရှိသူများ ပြောတာကတော့ အမေရိကန်နိုင်ငံက မိုဘိုင်းလ် အလေ့အကျင့်များနှင့် လုပ်ပုံကိုင်ပုံတွေက "ဖွံ့ဖြိုးဆဲ" ဆိုသည့် အခြေအနေ၌သာ ရှိသေးသည်ဆို၏။ ထို့ကြောင့် အခြားနေရာဒေသများ၌ အဆင်ပြေနေသော ကိစ္စတိုင်းက အမေရိကန်မြေပေါ်မှာ အဆင်ပြေမည်ဟု မယူဆအပ်ကြောင်း ပြောကြသည်။ University of California မှယဉ်ကျေးမှု ဓလေ့ရေးရာ မနုဿဗေဒ ပညာရှင်တစ်ဦးက ဒီစတစ်ကာကိစ္စမှာ အမေရိကန်က တော်တော်နောက်ကျန်ရစ်ခဲ့ပြီဖြစ်ကြောင်းပြောသည်။ ထိုပညာရှင် အမျိုးသမီးက အာရှတိုက်နှင့် အမေရိကန်နိုင်ငံတို့မှ လူငယ်များ ဒီဂျစ်တယ်မီဒီယာ သုံးစွဲပုံအကြောင်း လေ့လာနေသော ပုဂ္ဂိုလ်ဖြစ်သည်။ "ဒီနိုင်ငံ (အမေရိကန်) က မိုဘိုင်းသုံးစွဲသူတွေ တော်တော်များများက မိုဘိုင်းစာတိုပို့ ယဉ်ကျေးမှုဓလေ့ ခေတ်ဦးက လုပ်ကိုင်ပုံတချို့ကို မသိလိုက်ကြဘူး" ဟု သူမက ပြောသည်။ သို့သော် "အခုအမေရိကန် နိုင်ငံကလည်း ဒီမိုဘိုင်းဆက်သွယ်မှု ပုံစံသစ် ခေတ်ရေစီးကြောင်းမှာ ဝင်ရောက်လာပါပြီ။ ဒါပေမဲ့ ခေတ်ဦး ဒီမိုဂျိသုံးစွဲသူတွေရဲ့ အယူအဆနဲ့တော့ တူချင်မှ တူပါလိမ့်မယ်" ဟု ထိုမနုဿဗေဒ ပညာရှင်က ပြောသည်။

စောလျ
Ref;Online Emotions, in Hundreds of New Flavors by JENNA WORTHAM

0 comments: